Shefi i grupit parlamentar të LDK-së, Avdullah Hoti ka thënë në seancën e sotme se nëse deputetët  nuk i votojnë  rekomandimet  e interpelancës lidhur me Vendimin e Qeverisë së Kosovës nr.04/20 të datës 20.12.2017 për rritjen e pagave të anëtarëve të Kabinetit qeveritar, Vendimin nr. 05/24 i datës 12 janar 2018, për rritjen e pagave për të gjitha kategoritë e të punësuarave që marrin paga nga buxheti i Kosovës, si dhe Vendimi nr. 15/24 i datës 12 janar 2018 për lartësinë e pagesës mujore për familjet në Skemën e Ndihmave Sociale, ata do ta lëshojnë seancën.

Kryetari Veseli hodhi në votim rekomandimet mirëpo votuan vetëm 46 deputetë ku 45 votuan për ndërsa 1 ka abstenuar.

Shkaku i kësaj LDK dhe VV kanë lëshuar seancën e Kuvendit të Kosovës.

Kryeparlamentari Kadri Veseli ka ftuar në takim shefat e grupeve parlamentare për tu konsultuar lidhur me këtë çështje dhe të merret vendim se a do të vazhdohet me seancë apo do të shtyhet për një ditë tjetër, për shkak të mungesës së kuorumit./Arbresh.info