Në sheshin “Skëndërbeu” në Prishtinë, është zhvilluar sot marshi me moton “Mos ma kufizo lëvizjen” që kishte për qëllim vetëdijesimin e shoqërisë për mungesën e infrastrukturës në Kosovë për personat me aftësi të kufizuara.

Kryetari i shoqatës “Handikos”, Afrim Maliqi tha se mungesa e qasjes së personave me aftësi të kufizuara në hapësira publike po e bënë të pamundur lëvizjen e lirë të tyre.

Maliqi po ashtu tha se nga një hulumtim i zhvilluar del se Kosova përmbush 30% të ligjeve që janë në fuqi për personat me nevoja të veçanta, raporton arbresh.info

“Kemi zgjedhur këtë moto sepse liria e njeriut është fondamentale. Karroca është mjeti me i përdorur nga personat me vështirësi ne lëvizje, mirëpo mungesa e qasjes ne hapësira publike krijon pengesa. Shkak për këtë gjendje është zbatimi i kornizës se varfër, shoqata jonë mundohet të ju dal në ndihmë. Nga hulumtimi i vitit 2019 ka dal se vetëm 30% Kosova mbush të drejtat e personave me aftësi të kufizuar. 6% është zbatuar qasja”, tha Maliqi.

Ai më tutje tregoi se ka kërkuar nga Kuvendi që viti 2021 të shpallet vit i personave me aftësi të kufizuara.

“Sot Kosova kur po zhvillohet për tu integruar në botë promovimi dhe mbrojtja e njeriut janë qenësore, ne sot nga këtu rekomandojmë që Kuvendi të shpallë vitin 2021 vit të aftësisë së kufizuar, Kosova në këtë kohë duhet të ketë krijimin e një shoqërie gjithëpërfshirëse”, tha Maliqi./arbresh.info/

https://www.facebook.com/arbresh.info/videos/204797030602271