Është liruar edukatorja dhe kuzhinierja e çerdhes “Gëzimi ynë” të dyshuara për ushtrimin e dhunës ndaj  3-vjeçarit.

Lajmin për Arbresh.info e ka konfirmuar avokati i njërës prej të akuzuarave, Taulant Ismajli, shkruan Arbresh.info.

“Pas ngritjes së aktakuzës është mbajtur seanca e parë fillestare në të cilën seancë të pandehurat janë deklaruar të pafajshme. Brenda afatit 30 mbrojtja do të ushtrojë kërkesë për kundershtimin e provave dhe hudhjen e aktakuzës. Mbrojtja në këtë seance ka propozuar ndërprerjen e masës së paraburgimit për shkak se kane pushuar te gjitha shkaqet dhe rrethanat për të cilat është caktuar e njëjta, propozim ky te cilin gjykata jashtë seancës vendosi me c’rast i liroi nga masa e paraburgimit te pandehurat”, tha avokati.

Të dyshuarat janë arrestuar më 19 shtator pas denoncimit të nënës së 3-vjeçarit, e cila publikoi edhe pamjet nga kamerat brenda çerdhes.

Ndryshe, ato dyshohen për kryerjen e veprave penale “Keqtrajtim gjatë ushtrimit të detyrës zyrtare” dhe “Lëndim i lehtë trupor”.

Atyre iu caktua masa e paraburgimit me vendim të Gjykatës Themelore në Prishtinë/Arbresh.info/

Lexo edhe:

Kërkohet paraburgim për edukatoren dhe kuzhinieren që dyshohet se keqtrajtuan fëmijën 3 vjeçar në çerdhen e Fushë Kosovës