Kryeministri i Kosovës, Albin Kurti, ka komentuar pozicionimin e Kosovës si vendi i parë në Ballkanin Perëndimor për sundim të ligjit dhe si vendi i dytë në botë për përmirësim në këtë fushë.

I pari i qeverisë përmes një postimi në Twitter tha se rangimi i Kosovës si vendi i parë në Ballkanin Perëndimor për sundim të ligjit nga indeksi vjetor i “World Justice Project”, konfirmon se reformat e qeverisë së tij po funksionojnë mirë dhe me shpejtësi.

“Ajo gjithashtu e ka renditur Kosovën në vendin e 2-të në mbarë botën për përmirësimin më të madh në sundimin e ligjit gjatë vitit të kaluar”, ka shkruar Kurti.

Sipas “World Justice Project”, pesë shtetet që kanë bërë përmirësimin më të mirë në sundimin e ligjit janë Hondurasi, Kosova, shteti nga Afrika Qendrore – Belize, Moldavia dhe Shtetet e Bashkuara të Amerikës./arbresh.info/

This year, @TheWJP has again ranked the Republic of Kosova #1 in the Western Balkans on rule of law. It has also ranked Kosova #2 in the entire world for greatest improvement in rule of law over the past year. Independent confirmation that our reforms are working, and rapidly so. pic.twitter.com/bEhgsvWCgo

— Albin Kurti (@albinkurti) October 26, 2022