Seanca e jashtëzakonshme e caktuar për sot për Ratifikimin e Marrëveshjes me Malin e Zi, ka tërhequr me të madhe vëmendjen e zyrtarëve të huaj në Kosovë.

Pas ambasadorëve të huaj të cilët gjatë gjithë kohës janë përpjekur t’i bindin deputetët për ta votuar marrëveshjen mes Kosovës e Malit të Zi, në Kuvendin e Kosovës është parë edhe shefja e Zyrës së BE-së në Kosovë, Nataliya Apostolova.

Thuhet se ajo i ka mbledhur kryeparlamentarin Kadri Veseli dhe kryeministrin Ramush Haradinaj në një takim të përbashkët.

Seanca ishte caktuar të niste në ora 11:00 mirëpo kanë kaluar më shumë se dy orë dhe ende nuk ka ndonjë lëvizje se ajo mund të nisë.

Shkak për këtë janë bërë Lista Serbe e cila e ka lëshuar Kuvendin dhe e cila ka bërë të ditur po ashtu se nuk do ta votoj Demarkacioni dhe po ashtu LDK-ja e cila po kuzhtëzon votimin e Demarkacionit me largimin nga Projektligji të raportit të Komisionit të Shpejtim Bulliqit.