Policia e Gjilanit gjatë kontrollit në dy shtëpi në dy raste të ndryshme në Viti, ka gjetur dy armë pa leje të të dyshuarve N.S (1997) dhe M.Q (1966).

Armët e gjetura dhe të konfiskuar janë një Pushkë M48 e kalibrit 7.9 mm, një Revole e tipit Bereta e kalibrit 6.35mm, një karikator dhe gjashtë fishekë të kalibrit 6.35 mm.

Dy të dyshuarit nga ana e zyrtarëve policor janë arrestuar dhe intervistuar në bazë të procedurave ligjore.

“Në lidhje me rastin është njoftuar Prokurori i Shtetit i cili ka urdhëruar që ndaj dy të dyshuarve të ngritët kallëzim penal për veprën penale ,,Mbajtja në pronësi ,kontroll ose posedim të pa autorizuar të armeve” dhe rasti i kompletuar do të dërgohet në Prokurorinë Themelore Gjilan”, thuhet në njoftimin e policisë./arbresh.info/