Grupi Mabetex ndërton aeroport miliona dollarësh

14:57 | 27 Korrik 2019
A Z

Kompania kosovaro-zvicerane, Mabetex, është duke ndërtuar një nga terminalet e aeroportit të aviacionit civil (delegacioneve zyrtare) në Tashkent të Uzbekistanit.

“Ndërtimi i terminalit të dytë të aeroportit të ri të aviacionit (biznes dhe pasagjeret tjerë) në Tashkent po ashtu do te ndërtohet nga kompania zvicerane”, tha Zëdhënësi i Ministrisë se transportit dhe Hekurudhave, pranë qeverisë së Uzbekistanit.

Kjo kontratë qe parasheh projektimin dhe ndërtimin e Terminalit 2 u nënshkrua dje në kryeqytet midis Ministrisë se Transportit dhe Hekurudhave të Uzbekistanit dhe Firmës se mirënjohur B & A Contractors S. A. dhe IT Engine-ering S. A., të cilat janë pjesë te Grupit global Mabetex.

Aeroporti i ri po ndërtohet mbi hapësirën e aeroportit Tashkent-Vostochny, ku ishte i koncentruar aviacionit ushtarak.

Terminali i parë është i dizajnuar për takime të krerëve të shteteve, zyrtarëve dhe delegacioneve zyrtare kurse , terminali i dyte është paraparë të ndërtohet për t’u shërbyer përfaqësuesve të biznesit dhe pasagjerëve të tjerë, ashtu siç ishte raportuar më parë.