​Mustafa njofton Ambasadorin e Hungarisë për investimet që do të bëhen në bujqësi

12:21 | 16 Tetor 2020

Ministri i Bujqësisë, Pylltarisë dhe Zhvillimit Rural, Besian Mustafa sot priti për herë të parë në takim Ambasadorin e Hungarisë në Kosovë, Jozsef Bencze.

Gjatë këtij takimi, ministri Mustafa e ka njoftuar me projektet, prioritetet e ministrisë, si dhe investimet që do të bëhen në sektorin e bujqësisë gjatë këtij mandati.

Gjithashtu, ministri i MBPZhR-së ka falënderuar Ambasadorin e Hungarisë për mbështetjen që ka dhënë shteti i tyre për Republikën e Kosovës, posaçërisht për sektorin e bujqësisë.

Në anën tjetër, Ambasadori i Hungarisë në Kosovë, Bencze, ka uruar ministrin Mustafa për detyrën si ministër, duke e vlerësuar gatishmërinë e tij për bashkëpunim të vazhdueshëm mes dy shteteve.

Shpërndaje në rrjete sociale

Lajmet më të lexuara