Kohë pas kohe paraqiten punime, të cilat ngrenë pluhur të madh dhe një e tillë ka ndodhur kohë më parë kur është publikuar se kriteri për përcaktimin e asaj që trupat qiellor i bën planet duhet ndryshuar.

Në punimin “Definimi gjeofizik i planetëve” thuhet se Hëna, Plutoni dhe disa trupa tjerë në Sistemin Diellor duhet të marrin statusin e planetit.

Në punimin, të cilin e ka shkruar ekipi i ekspertëve, në mesin e të cilëve edhe Alan Stern, pjesëmarrës i misionit NASA “New horizonts”, thuhet se karakteristika gjeofizike të këtyre trupave duhet të përcaktojë nëse disa janë planetë ose ndodhet në orbitën e Diellit.

Edhe pse jemi mësuar të mendojmë se Hëna është satelit i Tokës, astronomët e vjetër grekë dhe ata të Mesjetës kishin dyshuar se në fakt është planet. Një mendim i tillë është ndryshuar për shkak të ndikimit të teorisë heliocentrike të Kopernikut, nga viti 1543, kur Hëna “u bë” satelit i Tokës.

Sipas pohimeve më të reja, shkencëtarët konsiderojnë se Hëna megjithatë është planet. Nëse do ta fitojë këtë status edhe zyrtarisht, kjo do të varet nga Unioni ndërkombëtar i astronomisë, e cila për këtë duhet të marrë vendimin.