Një koleksion i mbetjeve plastike në Oqeanin Paqësor po rritet me shpejtësi, ka vlerësuar një kërkim i fundit shkencor.

Parashikimet sugjerojnë për një rritje prej rreth 80 mijë ton plastikë në ujrat me Kalifornisë dhe Havait, transmeton portali arbresh.info

Kjo shifër është deri në gjashtëmbëdhjetë herë më e lartë se sa është raportuar më parë, thonë studiuesit ndërkombëtarë.

“Përqendrimi i plastikës po rritet dhe mendoj se gjendja po përkeqësohet”, tha Laurent Lebreton i The Ocean Cleanup Foundation në Delft, Holandë, e cili udhëhoqi studimin.

“Kjo është një situatë emergjente dhe duhen marrë veprime për të parandaluar një fenomen të tillë”, shtoi ai.

Mbeturinat grumbullohen në pesë zona të oqeanit, më e rëndësishmja është zona  e vendosur midis Havai dhe Kaliforni./arbresh.info/