Në këtë shtet nuk mund të divorcoheni gjatë muajit të Ramazanit

08:59 | 29 Maj 2017
Gita

Kreu i Gjykatës Islamike palestineze u ka dhënë ‘urdhër’ gjyqtarëve që të mos japin divorce gjatë muajit të Ramazanit, duke pasur frikë se agjërimi njëmujor mund të shkaktojë thënien e fjalëve të nxituara për të cilat do të pendoheshin më vonë.

Gjyqtari Mahmud Habash tha se ai e bazoi vendimin e tij mbi “përvojën e viteve të mëparshme”, kur gjeti që agjërimi dhe ndalimi i cigares, dërgojnë në ngatërresa dhe gjuhë të mprehta, transmeton portali arbresh.info.

“Disa për shkak të agjërimit dhe për shkak të mospirjes së duhanit, krijojnë probleme”, tha ai, duke shtuar se ata mund të marrin vendime të shpejta dhe të këqija.

Sipas autoriteteve palestineze gjatë vitit 2015 janë mbajtur rreth 50 mijë dasma në Bregun Perëndimor dhe në Rripin e Gazës, por më shumë se 8 mijë divorce janë regjistruar për një periudhë të shkurtër më pas.

Ata shtojnë se papunësia dhe varfëria ekonomike është një ndër faktorët kryesorë që dërgon në divorc.

Në territoret palestineze nuk ka martesa civile apo divorc civil, procedurat kryhen nga gjykata fetare.