Kur themi mace e egër, më së shpeshti e mendojmë tigrin, gepardin apo leopardin. Mirëpo, nuk janë të gjitha macet e egra aq të mëdha, të fuqishme dhe të shpejta.

Macja pikaloshe ngjyrë gështenje, pothuajse është 200 herë më e vogël se luani, ndërkaq peshon vetëm një kilogram.

Duket sikur një leopard i vogël dhe jeton vetëm në Sri-Lankë dhe në Indi ku është nën mbrojtje, transmeton Telegrafi.

Është lloj jashtëzakonisht i rrallë i maceve, ndërkaq shikimi i saj është gjashtë herë më i kthjellët dhe më i mirë se i njeriut.

Janë në gjendje të gjejnë gjahun edhe në vegjetacionin më të shpeshtë.

Ky lloj i rrallë i maceve ishte temë e një prej emisioneve më të shikuara të BBC-së “Big cats”, të cilin mund ta gjeni edhe në internet.

Mungesa e madhësisë kompenson trimërinë, thotë narratori i BBC-së, ndërkaq macet lindin kureshtare dhe të patrembura, sepse ashtu njohin botën rreth vetes.

Janë notuese të shkëlqyeshme, atlete të shkathëta dhe gjuetare të vogla të vërteta.