Gjendet një vulë balte, dëshmi e ekzistencës së profetit hebre

15:25 | 23 Shkurt 2018
Arbresh.info

Është gjetur një vulë balte 2,700 vjeçare në Jerusalem që besohet se bartë ‘nënshkrimin’ biblik të profetit Isaja.

Studiuesit besojnë se shkrimi hebraik i gravuar në argjilë dikur lexonte ‘i përket profetit Isaja’, transmeton portali arbresh.info

Nëse është kështu, balta do të ishte dëshmia e parë e drejtpërdrejtë e ekzistencës së Isait jashtë Biblës.

Arkeologët zbuluan vulën e dëmtuar gjatë gërmimeve në Ophel dhe zonën e Jerusalemit Lindor në mes të faqes arkeologjike ‘Qyteti i Davidit’ dhe ‘Malit të Tempullit’, shkruan Daily Mail.

Sipas Biblës hebraike, Tevratit, thirrja e Isaja ndaj profecisë përafërsisht përkon me fillimin e zgjerimit perëndimor të perandorisë asiriane.

Ai ishte një këshilltar i mbretit të Judesë, Hezekisë dhe e inkurajoi atë të luftonte kundër ushrisë asiriane që mbërriti në Jerusalem në vitin 701 p.e.s./Arbresh.info/