Dashuria nuk ka moshë dhe kur fsheh pas ndjenja të sinqerta, arrin të kalojë çdo pengesë. Këtë gjë e kanë treguar dy të moshuar, ai 96 vjeç dhe ajo 93, e cila vuan nga Alzheimer, por që pavarësisht kësaj, janë më të bashkuar se kurrë.

Ata u fotografuan fshehurazi nga një i panjohur në një fast food, i cili mbeti i befasuar nga përkushtimi që tregonin ndaj njeri tjetrit.

Fotografia u shkrep, teksa burri po ushqente të shoqen, duke treguar kështu se bashkimi i tyre ishte aq i fortë, sa që nuk luhatej nga sakrificat që duhen bërë për të vijuar të qëndronin bashkë, shkruan noa.al.

Personi që shkrepi foton e publikoi në grupin e Facebook “Love What Matters” dhe shkroi: “Ai është 96 vjeç, ajo 93 dhe vuan nga Alzheimer. Burri më tha se atë darkë kishin një takim bashkë, dhe nëse do i’a dilnin të rezistonin, do të festonin 75- vjetorin e martesës.

Gjatë gjithë jetës kam dëshiruar një dashuri kaq të fortë. Mbërritja në fund të ditëve me të njëjtin person, me të cilin nisa udhëtimin, ndarja e një dashuri kaq të thellë dhe një lidhje që rritet me moshën. Ata vijojnë të duhen edhe pse sëmundja e saj u ka vështirësuar jetën.