Një koncert për të ndihmuar regjisorin Bekim Lumi do të mbahet me datë 21 mars.

Bëhet fjalë për iniciativën e nisur nga Luan Durmishi – një muzikant i njohur që ka mbledhur rreth tij të tjerë artistë për një natë muzikore.

Lirika Pula në piano, Kori Attacca, Hajrullah Syla në dirigjim, Visar Kuçi në violinë dhe aktori Afrim Kasapolli do ti bashkohen kësaj iniciative, për Bekimin.

Koncerti do të mbahet me 21 mars, në ora 20:00, në Amfiteatrin e Bibliotekës Universitare, ish Instituti i Historisë.

Hyrja në koncert do të jetë 5 euro, me qëllim që më pas të hollat të shkojnë për shërimin e regjisorit Bekim Lumi, i cili ka kohë që po vuan nga sëmundja e kancerit.

Durmishi ka bashkëpunuar në njërën prej shfaqjeve të regjisorit Lumi dhe ky koncert është një vazhdimësi e plot ngjarjeve kulturore me karakter humanitar për tu solidarizuar me Lumin. / KultPlus.com