34-vjeçarja, Elzina Morina dhe djali i saj, Elon Morina, tre vjeç nga Deçani do të varrosen në varrezat e qytetit Laval të Kanadasë, më 15 qershor.

Nënë e birë vdiqën tragjikisht pasi fëmija ra aksidentalisht në pishinë, ndërsa gruaja kishte tentuar ta shpëtonte djalin e saj.

Shoqata Shqiptare Kosova-Montreal ka njoftuar se ceremonia e lutjeve dhe nderimit do të mbahet të shtunën, në xhaminë e quajtur “Balkan Muslim Community”, në ora 13:00.

E pas kësaj, do të mbahet edhe varrimi në varrezat e Laval.
Kurse, e pamja për ngushëllime do të mbahet të dielën, më 16 qershor, nga ora 10:00 – 14:00, në ambientet e xhamisë “Balkan Muslim Community”.

E njëjta shoqatë ka shprehur ngushëllime për të dyja viktimat, duke thënë: “Shoqata Shqiptare Kosova-Montreal shpreh ngushëllimet më të sinqerta për familjen Morina në këtë moment të vështirë për familjen, shoqërinë dhe komunitetin tonë!”.

LEXO EDHE:

Tragjedi në Deçan – Tentoi ta shpëtojë djalin nga mbytja në pishinë, humb jetën bashkë me të