Policia e Kosovës ka njoftuar se gjatë gërmimeve të realizuara në komunën e Rahovecit janë gjetur mbetje eshtërore me prejardhje njerëzore, që dyshohet se i përkasin së paku një personi të zhdukur gjatë luftës në Kosovë 1998-1999.

Mbetjet eshtërore janë tërhequr nga vendi i ngjarjes dhe janë dërguar në Institutin e Mjekësisë Ligjore për ekzaminim mjeko-ligjor, autopsi dhe analizë të ADN-së, me qëllim të identifikimit.

“Rahovec/1998-1999 –NN. Lidhur me rastin 09.03.2026, gjatë vazhdës së punimeve njësia përkatëse policore në koordinim me IML bazuar edhe në urdhëresën e gjykatës, gjatë gërmimeve ka hasur pjesë eshtërore me prejardhje njerëzore që dyshohet se i përkasin së paku një (1) individi të zhdukur gjatë luftës në Kosovë. Mbetjet eshtërore janë tërhequr nga vendi i ngjarjes dhe janë dërguar në IML për ekzaminim mjeko-ligjor, në autopsi dhe analizën e ADN-së, me qëllim të identifikimit”, thuhet në raportin 24 orësh të PK./Arbresh.info