Një person në Prizren ka njoftuar policinë se vajza e tij e mitur ishte larguar nga shtëpia dhe nuk dihej vendndodhja e saj.

Sipas njoftimit të Policisë, ankuesi kishte marrë një telefonatë nga një person i panjohur, i cili e kishte informuar se vajza ndodhej në një fshat të Gjakovës dhe se ishte atje me dëshirën e saj.

Policia ka arritur ta lokalizojë të miturën, e cila është intervistuar nga hetuesit.

Ajo ka deklaruar se me dëshirë vazhdon të bashkëjetojë me një person mashkull kosovar.

“Landovicë, Prizren / 18.04.2026 – 01:35. Ankuesi mashkull kosovar ka raportuar se vajza e tij e mitur është larguar nga shtëpia dhe nuk dihet vend ndodhja e saj. Ankuesin një person i panjohur e kishte telefonuar dhe njoftuar se vajza ndodhej në një fshat të Gjakovës dhe me dëshirën e saj gjendet aty. Nga policët hetues është takuar viktima e rastit e cila është intervistuar dhe me dëshirë vazhdon të bashkëjetoj me personin mashkull kosovar. Të gjitha veprimet janë ndërmarr në konsultim me prokurorin”, thuhet në raportin 24 orësh të PK./Arbresh.info