Në Jarinjë është shtuar prezenca e policisë së Kosovës mëngjesin e sotëm, ndërsa sipas Reporterit është i pranishëm edhe ekipi kundërsabotues K-9, i cili po merr pjesë në kontrollin e zonës para vizitës së paralajmëruar të kryeministres së Serbisë, Ana Brnabiq, në komunat në veri të Kosovës.

Gazetarët raportojnë se vizita e kryeministres së Republikës së Serbisë, Ana Brnabiq në Kosovë, synon të dërgojë “mesazhe për ruajtjen e paqes dhe stabilitetit, që është e vetmja mënyrë për të arritur mbijetesën e serbëve në Kosovë”.

Kryetari i Komunës së Shtërpcës, Dalibor Jevtiq, tha se vizita e kryeministres serbe Ana Brnabiq është e një rëndësie të madhe për serbët në Kosovë, si në jug ashtu edhe në veri të Ibrit, duke shtuar se kryeministrja e Serbisë do të dëgjojë nevojat e qytetarëve.

Ardhja e kryeministres së Serbisë Ana Brnabiq është jashtëzakonisht e rëndësishme për serbët e Kosovës thotë kryetari i Listës Serbe, Goran Rakiq./arbresh.info/