Abdixhiku shtron iftar për myftiun Tërnava dhe anëtarët e tjerë të BIK-ut

22:04 | 16 Prill 2023
E.H

Kryetari i Lidhjes Demokratike të Kosovës, Lumir Abdixhiku ka pritur për iftar Myftiun e Bashkësisë Islame të Kosovës, Naim Tërnava me bashkëpunëtorë.

Siç njofton LDK përmes një komunikate për media, Abdixhiku ka theksuar se qytetarët e Kosovës gjithmonë janë shquar për vlera humane, vëllazërorë dhe solidare, përcjell Arbresh.info.

“Këto ditë të fundit të muajit të Ramazanit, besimtarët myslimanë luten për agjërim të pranuar dhe të dalin nga ky muaj të pasuruar shpirtërisht. Le të shërbejnë këto ditë për të dhënë mesazh për më shumë solidaritet, tolerancë dhe paqe në vendin tonë. Qytetarët e Kosovës gjithmonë janë shquar për vlera humane, vëllazërore dhe solidariteti, duke u dëshmuar si shoqëri që respekton njëri-tjetrin e ndanë me ata në nevojë – prandaj, le të vazhdojmë t’i mbajmë këto vlera edhe përtej këtij muaji të shenjtë”, u shpreh Abdixhiku.