Zaev: Mundësitë për heqjen e bllokadës bullgare do të rriten për 50% pas zgjedhjeve

11:36 | 14 Tetor 2021

Kryeministri maqedonas, Zoran Zaev sot në Samitin Ekonomik në Shkup tha se për 50 për qind do të rriten mundësitë që të hiqet bllokada bullgare pas zgjedhjeve.

“Edhe në Bullgari edhe në Maqedoninë e Veriut kemi zgjedhje. Politikanët janë shumë specifikë, megjithatë ne vazhdojmë me bisedimet, kemi tema dhe ka zgjidhje”, tha Zaev.

Sipas tij, zgjidhja e kontestit mes dy vendeve do të jetë mesazh inkurajues për gjithë Ballkanin Perëndimor.

“Besoj se ka zgjidhje dhe kam përvojë në gjetjen e shumë zgjidhjeve. Personalisht besoj se deri në fund të vitit mund të gjendet zgjidhje”, tha Zaev. /arbresh.info/

Shpërndaje në rrjete sociale

Lajmet më të lexuara