Qeveria e Kosovës, në mbledhjen e sotme ka bërë shqyrtimin e Projektligjit për Shoqëritë Tregtare.

Ministri i Tregtisë, Bajram Hasani tha se ky projektligj mbron investitorët e vegjël në korportata, shkruan arbresh.info.

“Arsyeja e parë për hartimin e këtij projektligji është adresimi i nevojës për përafrimin e këtij ligji me Legjislacionin e BE-së dhe me zbatimin e kritereve të MSA-së. Arsyeja e dytë është rritja e mbrojtjes për investitorët e vegjël në korporata dhe për përmirësimin e procedurave për regjistrimin e shoqërive tregtare”, u shpreh Hasani.

Ai tha se me këtë projektligj, shoqërive tregtare që regjistrohen në ARBK u jepet një numër unik që i identifikon dhe u jep mundësi për ndërveprim me ATK-në.

Projektligji u miratua me shumicë votash./arbresh.info/