Zëvendëskryeministri i parë i Kosovës, njëherësh ministër i Punëve të Jashtme, Behgjet Pacolli, ka vizituar sot Gjilanin ku edhe është takuar me kryetarin e kësaj komune, Lutfi Haziri.

Pacolli përmes një statusi në facebook ka njoftuar se në Gjilan do të investohen 800 mijë euro për realizimin e projektit për vazhdimin e punimeve në rregullimin e shtratit të lumit “Mirusha” në Gjila.

Pacolli gjithashtu tha se gjilanasit meritojnë investime të tilla në mënyrë që të ngitet standardi jetësor i tyre.

“Në ceremoninë e nënshkrimit të Memorandumi Bashkëpunit ndërmjet UD Ministrit të MMPH-së z.Fatmir Matoshi dhe Kryetarit të Komunës së Gjilanit z. Lutfi Haziri, deklarova se Gjilani me vite ka kenë i anashkaluar nga qeveria qendrore por më nuk do të anashkalohet sepse gjilanasit meritojnë investime të tilla në ngritjen e standartit të përgjithshëm jetësor”, është shprehur Pacolli.

Postimi i plotë i Pacollit:

Investime zhvillimore në tërë Kosovën…

Në Gjilan po investojmë 800 mijë euro për realizimin e projektit për vazhdimin e punimeve në rregullimin e shtratit të lumit “Mirusha” në Gjilan.
Në ceremoninë e nënshkrimit të Memorandumi Bashkëpunit ndërmjet UD Ministrit të MMPH-së z.Fatmir Matoshi dhe Kryetarit të Komunës së Gjilanit z. Lutfi Haziri, deklarova se Gjilani me vite ka kenë i anashkaluar nga qeveria qendrore por më nuk do të anashkalohet sepse gjilanasit meritojnë investime të tilla në ngritjen e standartit të përgjithshëm jetësor.

Anamorava mbetet njëra ndër prioritetet e mia të përhershëme.

Në ditët e ardhshme projekte të reja që nxisin zhvillimin ekonomik dhe punësimin.