Ministrja e Industrisë dhe Tregtisë, Rozeta Hajdari, ka deklaruar se kanë marrë dy vendime për masa mbrojtëse antidamping ndaj produkteve të caktuara të importuara nga Serbia, raporton arbresh.info.

Vendimet këto që kanë të bëjnë me importin e koncentratit të kafshëve dhe shpezëve, derisa tjetri për njësitë e bllokut ndërtimor.

Kompania për importin e bllokut standard ndaj të cilës është vendosur masa antidomping është, IGM “Mladost”doo, Puskinova bb, 16000 Leskovac/Leskovc, Serbi.

Ndërsa subjektet eksportuese për koncentratin për shpezë, janë këto:

1. FSH”Jabuka” doo Pancevo- Trg Marsala Tita 63, Glogonj 304316, Serbi:
2. “Gebi” doo- Marsala Tita 46, 24220Cantavir, Serbi
3. FSH”Sto posto” doo- Staro Selo, Velika Plana, Serbi.
4. FSH” Becejka”doo- Novosadska 163, 21220 Becej, Serbi.

Për këto dy vendime ka folur edhe Drejtori i Departamentit të Tregtisë, Zef Dedaj.

Sipas tij, këto vendime do të kenë efekt në uljen e importit nga Serbia.

Fakti që sot e kemi një mase në 3 centë dhe jo 2 centë bazohet në statistika. Mund të ketë hapësirë edhe për 4, meqë ka hapësirë për ndryshim kemi shkuar në 3. Kjo do të ketë efekt për uljen e importit nga Serbia. Nuk do ta afektojë konsumatorin. Pas 6 muajve nëse ka nevojë për 4 centë do të bëhet. Kjo e cila vazhdohet si e përkohshme për 6 muaj, vazhdohet pastaj për 6 muaj”, ka thënë ai./arbresh.info/