Gratë dhe vajzat e Mitrovicës tregojnë interesim të madh për të aplikuar për grante

15:18 | 18 Mars 2022
Fjolla Bajraktari

Në Sallën e Kuvendit Komunal të Mitrovicës, sot është mbajtur sesioni informues lidhur me thirrjen e skemës së granteve “Grante për Gratë në Biznes” e cila është lansuar nga Socio-Projekti 2, thuhet në një komunikatë për media.

Ky sesion informues është udhëhequr nga ekipi i Socio- Projekti 2, ndërsa të pranishëm ishin edhe drejtori i Drejtorisë së Prokurimit, Elvis Feka, së bashku me drejtoreshën e Drejtorisë për Financa dhe Zhvillim Ekonomik, Igballe Islami.

Në këtë sesion informues të gjitha gratë dhe vajzat nga Mitrovica të cilat ishin pjesëmarrëse u informuan mbi projektin dhe procedurat e aplikimit për të përfituar në këtë grant, shkruan arbresh.info.

Nga ky takim është vërejtur interesim i madh i grave dhe vajzave, të cilat shprehën gatishmëri të hapin bizneset e tyre në sektorë të ndryshëm./arbresh.info/