Bie niveli i ujit në Batllavë dhe Badoc, kërkohet kujdes dhe pagesë

12:06 | 27 Prill 2020
Arbresh.info

Ka rënë niveli i ujit në liqenet e Batllavës dhe Badocit.

Këtë e ka bërë të ditur Kompania Rajonale e Ujësjellësit “Prishtina”, shkruan arbresh.info.

“Niveli i ujit në liqenin e Batllavës sot është 627.64 metër mbi nivelin e detit ose 8.36 metër nën kuotën maksimale të kapërderdhjes, ndërsa niveli i ujit në liqenin e Badocit është 639.80 metër mbi nivelin e detit ose 10.05 metër nën nivelin maksimal”, thuhet në në njoftimin e kompanisë.

Në njoftim kërkohet nga qytetarët të kenë kujdes të shfrytëzim të ujit dhe ta paguajnë atë.

“Integrimi gjinor/përfshirja e gruas e domosdoshme për vlerësimin e çdo veprimi të planifikuar në të gjitha çështjet e ujit! Furnizimi me ujë është më shumë se vetëm ndërtimi i sistemeve të ujësjellësit! Uji i shfrytëzuar duhet të kursehet dhe paguhet”, përfundon njoftimi./arbresh.info/