Mazhoranca premton rritje të pagave për infermierët

12:35 | 12 Maj 2020

Me karafila dhe me falenderime për angazhimin në betejën me koronavirus, Taulant Balla dhe Klodiana Spahiu kanë vlerësuar angazhimin e infermierëve në luftën ndaj koronavirus

Kushtet e punës dhe pagat mbeten ende shqetësim, ndaj përfaqësuesja e mazhorancës premtoi se do të ketë reagim.

Spahiu: Në saj të punës tuaj dhe drejtuesve tuaj ia dolëm me sukses. Unë shpresoj që të jetë obligim edhe i yni që në çdo buxhet të kërkojmë një rritje pagash për infermierët.

Tenderat në shëndetësi janë në qendër të akuzave të opozitës, dhe shqetësimi mbetet dhe për mazhorancën.

Spahiu: Kjo punë do të diskutohet në vazhdimësi. Ne sot jemi për të qenë bashkë me të gjithë infermierët në gjithë Shqipërinë.

Nga ana e tij Taulant Balla nuk pranoi të reagojë mbi pyetjet e gazetarëve, por theksoi rolin e mjekëve

Balla: Kemi ardhur për të thënë faleminderit.

Rreth 64 mjekë dhe infermierë u infektuan me koronavirus në Shqipëri. 61 prej tyre janë shëruar ndërsa tre të tjerë janë ende nën vëzhgim dhe fatmirësisht në gjendje të mirë shëndetësore.

Shpërndaje në rrjete sociale

Lajmet më të lexuara