Gjermania regjistroi 136,624 infeksione të reja COVID-19 të enjten, duke e çuar numrin e përgjithshëm në mbi 30 milionë raste.

Sipas Institutit Robert Koch, shifra e të enjtës është për rreth 16 mijë raste më e ulët se një javë më parë, transmeton portal arbresh.info

Megjithatë, ekspertët besojnë se numri i rasteve të paraportuara është më i lartë, ndërsa testime janë duke u kryer sa më pak.

Gjermania ndaloi së ofruari qytetarët e saj me teste PCR falas në fund të qershorit. Shifrat zyrtare të vendit për COVID-19 përfshijnë vetëm teste pozitive PCR.

Rritja e infeksioneve me koronavirus reflektohet edhe me shifrat e pushimeve mjekësore.

Brenda një muaji, numri i njerëzve që nuk mund të paraqiteshin për punë pothuajse u dyfishua në 123 për 10,000 persona të siguruar në fillim të qershorit, sipas Barmer Ersatzkasse, një nga siguruesit më të mëdhenj publikë në Gjermani.

Deri në fund të vitit 2021, një në dhjetë të rritur në Gjermani ishte infektuar me koronavirus.

Studimi bën thirrje për “përqendrim të vazhdueshëm në përmirësimin e mbrojtjes kundër SARS-CoV-2 përmes më shumë vaksinimit, veçanërisht me vaksinat përforcuese”.

Nga 69.4 milionë të rritur në Gjermani të moshës 18 vjeç e lart, rreth 85 për qind janë të vaksinuar kundër koronavirusit./arbresh.info/