421 pacientë me COVID-19 po trajtohen në spitalet e Kosovës

14:53 | 7 Maj 2021

Në klinikat e Qendrës Klinike Universitare të Kosovës dhe spitalet e përgjithshme janë duke u trajtuar 421 pacientë me koronavirus.

Sipas njoftimit të sotëm nga ShSKUK nga numri total i pacientëve që po trajtohen më COVID-18, 35 pacientë janë në gjendje të rënduar shëndetësore dhe 306 janë nën asistim të oksigjeno-terapisë.

Në QKUK janë të shtrirë 196 pacientë, 14 prej tyre në gjendje të rënduar shëndetësore, kurse 157 nën asistimin e oksigjeno-terapisë.

Kurse, Në spitalet e përgjithshme janë të shtrirë 225 pacientë. Me gjendje të rënduar shëndetësore janë 17 pacientë dhe 149 pacientë janë nën asistim me oksigjeno-terapi.

Numri më i madh i pacientëve të shtrirë sipas klinikave në QKUK është në Klinikën Infektive në të cilën janë duke u trajtuar 90 pacientë.

Në Spitalet e përgjithshme numri më i madh i pacientëve të shtrirë nga koronavirusi është në Spitalin e Pejës në të cilin janë duke marrë trajtim mjekësor 63 pacientë./arbresh.info/

Shpërndaje në rrjete sociale

Lajmet më të lexuara