Administrimi i vaksinës AstraZeneca për personat deri në moshën 65-vjeçare nuk do të ishte gabim, duke pasur parasysh vonesat në furnizimet për në Itali, tha të hënën kreu i agjencisë kombëtare të ilaçeve.

Kur Agjencia e ilaçeve Evropiane (EMA) aprovoi vaksinat në janar, thuhej se nuk kishte mjaftueshëm rezultate për të treguar sa mirë funksionon për grup-moshat mbi 55-vjeç, megjithëse mund të jepet për personat më të moshuar.

“Vaksina indikohet për të gjitha moshat, por duke konsideruar mungesën e dozave, nuk do të ishte gabim sugjerimi i përdorimit për moshat deri në 65-vjet,” tha për Corriere della Sera në një intervistë presidenti i AIFA, Giorgio Palu.

AIFA rekomandoi “përdorimin preferencial” të vaksinës për moshat 18 deri 55 vjeç. Por shtetet tjera si Franca, Gjermania dhe Portugalia kanë rritur moshën maksimale për marrësit e vaksinës deri në 65-vjeç, transmeton arbresh.info.

Për të parandaluar një valë të tretë, zvogëluar variantet e reja dhe zvogëluar ngjitjen, Palu shtoi se rregullat e distancimit social duhet të ndiqen gjatë dy deri tre muajt e ardhshëm, me ri-hapjen shkollave dhe universiteteve që po shtyhet deri në përmirësimin e situatës./arbresh.info/