Prokurori në Sllovaki ka deklaruar se për vrasjen e gazetarit dhe të dashurës së tij janë paguar rreth 70 mijë euro.

Dyshohet se personi që pagoi këtë shumë parash ishte grua, transmeton portali arbresh.info

Vrasja e gazetarit ka shkaktuar protesta të mëdha dhe në vend dhe ka rezoltuar me rrëzimin e një kryeministri.

Gazetari Jan Kuciak, i cili kishte hetuar lidhjet midis politikanëve dhe mafies italiane, u gjet i vdekur me të fejuarën e tij në shtëpinë e çiftit pranë Bratislavës në shkurt, duke zhytur vendin në krizë.

Gruaja e emëruar si “Alena Zs” urdhëroi për vrasjen e tyre. Sipas prokurorisë ata janë vrarë nga shoferi i gruas në fjalë.

Katër persona të përfshirë në këtë rast janë arrestuar dhe janë akuzuar.

“Vetëm vrasja e Jan Kuciak është urdhëuar. E dashura e tij Martina Kusnirova është viktimë e cila u gjet në kohë të gabuar dhe në vend të gabuar”, shtoi prokurori.

Mediat lokale thanë Alena Zs. kishte punuar si përkthyese për sipërmarrësin sllovak Marian Kocner, aktivitetet e biznesit të të cilit ishin objekt i një hetimi nga Kuciak.

Mediat lokale shtuan se Kocner thuhet se është kumbari i vajzës së 44-vjeçares.

I pyetur nëse Kocner dyshohet të jetë i përfshirë në krimin, prokurori i përgjithshëm Jaromir Ciznar u tha gazetarëve të hënën: “Nuk mund të shtoj asgjë më shumë”./arbresh.info/