Zhytësit kanë gjetur një valixhe që kishte mbetje njerëzore në një liqen toksik në Qipro.

Kjo është valixhja e tretë që zbulohet në liqen në hetimin që po vazhdon mbi vrasësin e parë serik të ishullit mesdhetar, transmeton portali arbresh.info.

Andreas Angelides, zëdhënës i policisë së Qipros, tha se zbulimi është një zhvillim madhor në rastin e kapitenit të ushtrisë Nikos Metaxas, për të cilin policia thotë se ka pranuar vrasjen e shtatë grave dhe vajzave të huaja.

Angelides tha se mjeko-ligjorët kishin ekzaminuar zbulimin e fundit në vendngjarje dhe teste të tjera të specializuara do të bëhen për të përcaktuar identitetin e personit.

“Ne vazhduam me kërkimin tonë duke mbajtur parasysh dy faktorë kryesorë, shkallën e vështirësisë dhe nivelin e rrezikut të përfshirë”, shtoi ai.

Metaxas, 35 vjeç, thuhet se u tha hetuesve se i hoqi trupat e një gruaje filipine dhe një nënë dhe vajze rumune në liqen pas vendosjes së trupave të tyre në valixhe.

Trupi i fundit besohet se i përket Maricar Valtez Arquiola, një grua 31-vjeçare nga Filipinet./Arbresh.info/