Prokurorët gjermanë po hetojnë një milioner çek që dyshohet se ka vozitur përgjatë një autobani me shpejtësi deri në 417 km/h.
Radim Passer akuzohet se ka mbajtur një garë të paligjshme motorike në autostradën A2 midis Berlinit dhe Hannoverit në korrik të vitit 2021, transmeton portal arbresh.info
Shoferi i automjetit Bugatti Chiron kishte regjistruar incidentin dhe kishte postuar një video në YouTube në fillim të këtij viti, duke gjeneruar kritika të gjera në Gjermani.
Milioneri 58-vjeçar ka vozitur “me shpejtësi të papërshtatshme, duke mos respektuar rregullat e trafikut dhe në mënyrë të pakujdesshme për të arritur shpejtësinë maksimale të mundshme”, thanë prokurorët.
Nëse shpallet fajtor, milioneri mund të dënohet me 2 vite burg ose me një gjobë të konsiderueshme.
Kompania e Passer zhvillon shtëpi shumëfunksionale në Pragë dhe thuhet se pasuria e tij vlen deri në 246 milionë euro.
Ministri gjerman i Transportit Volker Wissing ka kritikuar qëndrimin e shoferit, duke vënë në dukje se ndërsa Gjermania nuk ka kufi shpejtësie, automjetet duhet të jenë gjithmonë “nën kontroll”./euronews/arbresh.info/
Si të bëni gjumë të rehatshëm
Tri mënyrat më të mira për t’i larguar dhimbjet e djegies ng...
Sarr largohet nga Chelsea, kthehet në Francë për të rigjetur...
Trump: Komentet e Kamala Harris për luftën në Gaza pasqyrojn...
Kurti u uron suksese sportistëve nga Kosova që po marrin pje...
Policia e Tropojës: Kemi kërkuar helikopter për të nxjerrë t...