Ka vdekur Alexei Leonov, personi i parë që ka ecur në hapësirë.

Leonov ndërroi jetë në moshën 85-vjeçare pas një sëmundjeje të gjatë dhe do të varroset këtë muaj, raporton agjencia ruse e lajmeve TASS, transmeton portali arbresh.info.

Kozmonauti bëri historinë më 1965, kur doli jashtë anijes kozmike për vetëm 12 minuta dhe lundroi në hapësirë i lidhur me një litar. Misioni pioner gati përfundoi në katastrofë kur kostumi i tij u fry gjatë ecjes në hapësirë dhe ai nuk ishte në gjendje të futet në anije.

Pasi përfundoi ecja, Leonov reflektoi në bukurinë e shikimit poshtë për të parë botën gjersa ishte mbi të.

“Ju thjesht nuk mund ta kuptoni atë,” tha ai. “Vetëm atje mund të ndjeni madhështinë – madhësinë e madhe të gjithçkaje që na rrethon”.

Leonov do të vazhdojë të udhëheqë pjesën Sovjetike të misionit Soyuz-Apollo, i cili 10 vjet më vonë u bë misioni i parë i përbashkët hapësinor me SHBA.

Ai gjithashtu ishte zgjedhur si personi i parë sovjetik që shkoi në Hënë, përpara se ai mision të anulohej.

Pas karrierës së tij hapësinore me programin Sovjetik, Leonov u zhvendos në biznes privat, si dhe shërbeu në një numër pozicionesh politike./arbresh.info/