Ministria e Mbrojtjes e Ukrainës tha se hakerët e Qeverisë ruse sulmuan ueb-faqen e Marinës së Ukrainës, për të përhapur dezinformata në lidhje me ushtrimet ushtarake shumëkombëshe “Sea Breeze” në Detin e Zi.
Ministria tha se “e gjithë makina propagandistike e Kremlinit” është përfshirë në operacionin e piraterisë, që publikoi dokumente dhe lajme të rreme në ueb-faqen e Marinës.
“Kërcënimi tani është eliminuar”, tha Ministria ukrainase e Mbrojtjes, duke shtuar se ka pasur tentime për sulme edhe në portalin e saj.
Ukraina e akuzon vazhdimisht Rusinë për sulme kibernetike – diçka që Moska e mohon.
Një total prej 32 vendesh, përfshirë shumicën e vendeve në Detin e Zi, aleatë të NATO-s dhe partnerë janë duke marrë pjesë në stërvitjet “Sea Breeze”, që kanë nisur më 28 qershor.
Stërvitjet vijnë në kohën e tensioneve në rritje midis Rusisë dhe Perëndimit, për shkak të një incidenti që ka përfshirë Rusinë dhe një anije luftarake britanike në brigjet e Krimesë.
Ushtrimet përfshijnë 5,000 trupa, 32 anije, 40 aeroplanë dhe 18 operacione speciale dhe përfundojnë gjatë ditës së sotme.
Rusia i kundërshton stërvitjet dhe ka thënë se po monitoron veprimet e forcave ushtarake që marrin pjesë në to.
Në fund të muajit të kaluar, Rusia ka testuar sistemet e saj të mbrojtjes ajrore në Krimenë e okupuar.
Moska ka aneksuar Gadishullin ukrainas të Krimesë në vitin 2014.
Ajo mbështet edhe separatistët që luftojnë forcat qeveritare në lindje të Ukrainës.
Deputeti gjerman: Nëse Serbia dëshiron BE, duhet ta njohë Ko...
A mund të ndikojë rezultati i zgjedhjeve në SHBA në Ballkan?
Hamasi do ta mbajë të fshehtë identitetin e liderit të ri pë...
Shkëlqeu me Granadan këtë fundjavë, Uzuni në formacionin e j...
Policia jep detaje për aksidentin tragjik ku humbën jetën dy...
Pastrim parash, korrupsion dhe mosdeklarim pasurie, si ndodh...