Twitter ka pezulluar një numër llogarish të rreme që kanë për qëllim të fusin në lajthitje njerëzit të besojnë se janë nën menaxhimin e mbështetësve të zinj të presidentit Donald Trump.

Gjiganti i mediave sociale tha se llogaritë thyen rregullat e manipulimit të platformës, transmeton portali arbresh.info

Shumë prej llogarive përdornin gjuhë identike, duke përfshirë frazën: “PO JAM I ZI DHE DO TË VOTOJ PËR TRUMP!!!”

Twitter nuk ka specifikuar numrin e llogarive të pezulluara deri më tani ose burimin e tyre.

Ai tha se po vazhdonte të hetonte aktivitetin dhe mund të pezullojë llogari shtesë nëse u zbulua se shkelnin politikat e saj.

Hetimi u raportua së pari nga gazeta Washington Post.

Darren Linvill, një studiues i dezinformimit të mediave sociale në Universitetin Clemson, gjeti më shumë se dy duzina llogari të tilla, të cilat kishin gjeneruar rreth 265,000 retweets ose përmendje në Twitter.

Disa nga llogaritë përdorën foto të burrave të zinj që ishin shfaqur në artikuj të lajmeve. Disa kishin dhjetëra mijëra ndjekës./arbresh.info/