Turqia vendos forcat speciale në Afrin, përgatitje për “luftë të re”

21:05 | 26 Shkurt 2018
Trina Galanxhi

Turqia ka dërguar njësi të forcave special të policisë në rajonin verior të Sirisë, Afrin, në pritje të një faze të re të fushatës së saj kundër milicive kurde.

Turqia ka deklaruar se armëpushimi i mbështetur nga OKB nuk ndikon aspak në operacionin e saj ushtarak në Afrin, transmeton portali arbresh.info

Njësitë e forcave special kaluan nga territori sirian nga provincat jugore turke të Kilis dhe Hatay, shkruajnë mediat lokale.

“Vendosja e forcave special është pjesë e përgatitjes për një luftë të re që po afrohet”, tha zv.kryeministri, Bekir Bozdak për Turkish NTV.

“Lufta do të zhvendoset në vende ku ka civilë, pasi zona (e luftimeve) ngushtohet”, tha ai, duke shtuar se njësitë e forcave special kanë përvojë në luftimin e militantëve në zonat e banuara.

Turqia filloi ofensivën e quajtur “dega e ullirit” në Afrin më 20 janar./arbresh.info/