Donald Trump ka përsëritur edhe një herë sharjen e preferuar politike, duke iu referuar senatores Demokrate Elizabeth Warren si “Pocahontas” në lidhje me prejardhjen e saj indigjene.

Presidenti i referohet rregullisht znj. Warren duke përdorur termin racist qysh në kohën e fushatës, para se të fitonte presidencën pothuajse një vit më parë, transmeton portali arbresh.info

Ai më parë ka thënë se është penduar për përdorimin e termit. Në një intervistë me Fox News në qershor të vitit 2016, ai tha: “Më vjen keq që e quaj Pocahontas, sepse mendoj se kjo është një ofendim i madh për Pocahontas.

“Pra, Pocahontas, unë do të doja të kërkoj falje nga ti”.

Në një post në Twitter të premten, z. Trump tha: “Pocahontas vetëm sa deklaroi se Demokratët, të udhëhequr nga legjenda Hillary Clinton, i manipuluan zgjedhjet! Shkojmë FBI dhe Departamenti i Drejtësisë!

Pocahontas just stated that the Democrats, lead by the legendary Crooked Hillary Clinton, rigged the Primaries! Lets go FBI & Justice Dept.

— Donald J. Trump (@realDonaldTrump) November 3, 2017

Komenti i z. Trump vjen pasi zonja Warren tha se ishte dakord me një raport të mëparshëm që zonja Clinton kontrolloi aspektet e infrastrukturës së Partisë Demokratike në avantazhin e saj përpara primarëve presidencialë./arbresh.info/