Trump do të largohet nëse bisedimet me Korenë e Veriut nuk rezultojnë të frytshme

08:16 | 19 Prill 2018
Arbresh.info

Presidenti amerikan Donald Trump thotë se nëse bisedimet e planifikuara me liderin veri-korean Kim Jong-un nuk janë të frytshme ai do të largohet.

Në një konferencë të përbashkët, ai dhe kryeministri japonez Shinzo Abe thanë se duhet të mbahet presioni maksimal mbi Korenë e Veriut për çarmatimin bërthamor, transmeton portali arbresh.info.

Abe është në resortin e presidentit në Mar-a-Lago në Florida për bisedime.

Më parë, Trump konfirmoi që drejtori i CIA-s, Mike Pompeo kishte udhëtuar në mënyrë sekrete në Korenë e Veriut për të takuar Kimin.

Ai tha se Pompeo kishte vendosur marrëdhënie të mira me Kimin, të cilin presidenti amerikan e kishte quajtur vitin e shkuar “burri i vogël raketor”, dhe se takimi kishte shkuar shumë mirë./Arbresh.info/