Të paktën tre persona kanë vdekur dhe gjashtë të tjerë janë lënduar pas shpërthimit që shkatërroi një ndërtesë banimi që i takonte Kishës Katolike në qendër të qytetit të Madridit.

Shpërthimi ndodhi në afërsi të një shtëpie pleqsh dhe shkolle, ku videot e fotot e publikaura tregojnë rrënojat e rëna nëpër rrugë, transmeton portali arbresh.info

Kryebashkiaku i qytetit tha se informatat e para tregojnë që shpërthimi ka ndodhur për shkak të rrjedhjes së gazit dhe konfirmoi që një trup është gjetur nën rrënoja.

Në kohën e aksidentit dikush ishte duke punuar në një bojler.

Dy persona janë transferuar në spital për trajtim të mëtejshëm – dhe njëri prej tyre është në gjendje të rëndë me një dëmtim në kokë.

Vendi ku ndodhi shpërthimi ishte një kompleks që siguronte trajnime rezidenciale për priftërinjtë dhe gjithashtu u jepte vakte njerëzve të pastrehë, tha një fqinj./arbresh.info/