Qindra protestues në Filadelfia kanë marshuar përmes qytetit për natën e dytë, duke kërkuar drejtësi racore, pasi policia qëlloi për vdekje një person me ngjyrë.

Familja e Walter Wallace, 27 vjeç, thonë se ai kishte një krizë të shëndetit mendor kur oficerët hapën zjarr ndaj tij, transmeton portali arbresh.info

Policia thotë se e qëlluan, sepse ai nuk e lëshonte një thikë që po e mbante në dorë.

Përforcimet policore si dhe Garda Kombëtare janë çuar në vendin e ngjarjes. Zyrtarët thonë se 30 oficerë janë lënduar gjatë natës së parë të përleshjes.

Policia e qytetit ka akuzuar protestuesit për plaçkitje të bizneseve gjatë trazirave.

Wallace kishte çrregullim bipolar, dhe gruaja e tij u tha oficerëve këtë para se ta qëllonin, tha një avokat që përfaqësonte familjen e tij./arbresh.info/