Mbi 60 mijë njerëz protestuan në qytetet kryesore të Greqisë kundër autoriteteve për menaxhimin e keq të sistemit të transportit.

Zemërata e tyre u furnizua kryesisht nga tragjedia e 28 shkurtit, kur në Larisa u përplasën dy trena duke u marrë jetën 57 personave.

Protestuesve u janë bashkuar dhe punonjësit në greva, që thonë se fajin e kanë vitet e neglizhencës, investimeve të pamjaftueshme dhe personelit të pamjaftueshëm – një trashëgimi e krizës së borxhit dhjetëvjeçar të Greqisë.

Në Athinë nuk munguan dhe momentet e tensionit, me protestuesit që lëshuan bomba molotov në drejtim të forcave të rendit, përballë godinës së parlamentit.

Policët reaguan duke lëshuar gaz lotësjellës për të shpërndarë turmën.

28 manifestues janë ndaluar, 7 prej të cilëve janë arrestuar.

Kjo ishte vala e protestave më e madhe ndonjëherë që kabineti i kryeministrit Kyriakos MItsotakis është përballur që prej zgjedhjes në vitin 2019.

Qeveria konservatore, e cila kishte planifikuar të shpallte zgjedhjet parlamentare në javët e ardhshme, premtoi të mërkurën se do të rregullonte sistemin problematik hekurudhor./A2CNN