Uragani Grace goditi Meksikën lindore me shi të rrëmbyeshëm të shtunën, duke shkaktuar përmbytje të rënda dhe rrëshqitje të dheut nga të cilat vdiçën të paktën tetë persona.

Sipas autoriteteve ky uragan u bë një nga stuhitë më të fuqishme në vite që goditi bregdetin e gjirit të vendit. Qeveria njoftoi se tetë persona vdiçën, përfshirë gjashtë nga një familje. Të gjithë viktimat, përveç njërës, vdiqën në kryeqytetin shtetëror Xalapa, përfshirë një vajzë të re që vdiç nga rrëshqitja e dheut që goditi shtëpinë e saj, raporton Reuters.

Ndërkohë, një i rritur vdiç nga një çati e shembur në qytetin e Poza Rikës më në veri të shtetit, tha Guvernatori i Veracruz, Cuitlahuac Garcia, në një konferencë për media. Përndryshe Grace ka goditur bregun meksikan si stuhi e kategorisë së tretë.