Të paktën 29 persona u vranë dhe rreth 50 të tjerë u plagosën në një tubim të mbajtur nga aktori dhe politikani Vijay në shtetin jugor indian Tamil Nadu.

Turma të mëdha njerëzish ishin mbledhur për takimin, pjesë e turneut të vazhdueshëm shtetëror të Vijay për partinë e tij politike Tamilaga Vettri Kazhagam, shkruan CNN.

Vijay, i cili njihet vetëm me një emër, po bën fushatë përpara zgjedhjeve shtetërore që do të mbahen në fillim të vitit të ardhshëm.

Të paktën 44 mjekë nga rrethet e afërta të Tiruchirappalli dhe Salem u dërguan në Karur.

“Incidenti i pafat gjatë një tubimi politik në Karur, Tamil Nadu, është thellësisht trishtues”, tha kryeministri Narendra Modi.

Thirrjet drejtuar ministrisë së shëndetësisë të shtetit Tamil Nadu dhe zyrës së Kryeministrit të Tamil Nadu, MK Stalin, mbetën pa përgjigje.

“Lajmet që vijnë nga Karur janë shqetësuese”, tha Stalin, duke shtuar se ai kishte udhëzuar ministrat dhe zyrtarët të ofronin ndihmë urgjente mjekësore për ata që u rrëzuan në tubimin e Karur dhe urdhëroi ndihmë shtesë nga Tiruchirappalli aty pranë. /Telegrafi/