Një sulm mbi bazën ushtarake në kryeqytetin e Somalisë, Mogadishu ka lënë të vdekur të paktën tetë persona e plagosur 14 të tjerë, bëjnë të ditur zyrtarët.

Dëshmitarët thanë për mediat lokale se një makinë e mbushur me eksploziv sulmoi objektin në afërsi të stadiumit, transmeton portali arbresh.info.

Shpërthimi jashtëzakonisht i zëshëm u dëgjua thuajse në gjithë qytetin.

Grupi islamist al-Shabab tha se ishte përgjegjës për sulmin.

Ata shpeshherë kryejnë sulme që kanë në cak forcat e sigurisë dhe zyrtarë.

Kolonel Ahmed Muse i tha Associated Press se shpërthimi ndodhi në portat e bazës së Brigadës së Ushtrisë së 12 Prillit pranë stadiumit sportiv të rihapur së fundmi në rrethin Warta-Nabadda.

Stadiumi u hap në qershor dhe u pa si një simbol i vendit që rindërtohej pas viteve të konflikteve./arbresh.info/