Pa paralajmërim, një sulm ajror izraelit shkatërroi ndërtesën katër katëshe në Rripin e Gazës ku Dr Ayman Abu al-Ouf jetonte.

Mjeku, i cili ishte shefi i mjekësisë së brendshme në spitalin kryesor të territorit palestinez, u vra së bashku me 12 anëtarë të familjes së tij të gjerë, transmeton portal arbresh.info

Të vdekur kanë mbetur edhe nëna, babai, gruaja e tij dhe fëmijët, djali 17-vjeçar  dhe vajza 12-vjeçare.

“Kjo është një humbje e madhe jo vetëm për ne mjekët, por edhe për të gjithë ata që e njihnin Ayman. Kjo është një humbje për pacientët dhe studentët e tij”, tha për BBC, Ghaith al-Zaanin, një mik i ngushtë dhe ish koleg i tij që jeton në Kanada.

Si përgjegjës i mjekësisë së brendshme në spitalin al-Shifa në Gaza City, Dr Abu al-Ouf mbikëqyri edhe pacientët që vuanin nga koronavirusi.

Ai mbikëqyri trajtimin e një reparti të tërë njerëzish me Covid-19 të rëndë në një vend ku ka pak specialistë në sëmundjet e frymëmarrjes./arbresh.info/