Presidenti rus, Vladimir Putin, ka mbajtur një ligjeratë të historisë para studentëve, por ai është përmisuar për shkak të një ngatërrese historike.

Kritikët e Kremlinit përshëndetën studentin, i cili korrigjoi Presidentin rus Vladimir Putin, i cili paraqiti një fakt të gabuar historik, transmeton portal arbresh.info

“Pjetri i Madh (1675-1725) nuk luftoi në Luftën Shtatëvjeçare, por në Luftën e Madhe Veriore, e cila zgjati 21 vjet,” i tha djali Putinit.

Lideri rus e falenderoi djalin, por drejtori i shkollës i tërhoqi vërejtjen atij për “guximin e tepruar”.

Mediat që kritikojnë Kremlinin dhe politikanët e opozitës vlerësuan zellin e studentit.

Kira Jarmusch, një zëdhënëse e disidentit të burgosur Alexei Navalny, kritikoi drejtorin, i cili, sipas saj, beson se shkolla nuk duhet të mësojë fakte, por “bindje dhe servilizëm”.

Kjo ngjarje, në ditën e parë të shkollës pas pushimeve verore në Rusi, shkaktoi një jehonë në vend dhe bëri që zëdhënësi i Kremlinit Dmitry Peskov të dilte me një deklaratë.

“Nuk ishte i pacipë. Ne nuk pajtohemi fare me drejtorin e shkollës,” tha ai, duke shtuar se “shpreson që nxënësi të mos ndëshkohet më vonë”./arbresh.info/

https://twitter.com/rianru/status/1433015106003156992