Shtëpia e Bardhë po bën presion që të mos botohet libri i ri i ish-Këshilltarit të Sigurisë Kombëtare John Bolton, duke përmendur shqetësimet lidhur me sigurinë.

Këshilli i Sigurisë Kombëtare tha që libri kishte detaje sekrete që duheshin hequr, një pretendim që Bolton po e kundërshton.

Në dorëshkrimin e librit pretendohet se Presidenti Donald Trump e kishte lidhur ndalimin e ndihmës ushtarake për Ukrainën me kërkesën për një favor politik.

Diskutimet rreth librit të Bolton vijnë kur nisi periudha e marrjes në pyetje në kuadër të gjyqit që po zhvillohet në Senat për Trump.

Të premten, senatorët do të mbajnë një votim të rëndësishën për të lejuar apo jo dëshmitarët në gjykim.

Demokratët po kërkojnë që Bolton të dëshmojë pas këtyre pretendimeve, dhe disa republikanë gjithashtu kanë sugjeruar që ata do të donin të dëgjonin nga ish-këshilltari.

Presidenti ka mohuar të gjitha akuzat kundër tij.