Ministri i Mbrojtjes, Niko Peleshi u shpreh pas mbledhjes së qeverisë se Shqipëria do të dërgojë 22 ushtarë dhe një anije ‘Iliria’ në misionin e NATO-s në detin Egje.

Ai theksoi se Shqipëria po ashtu është ofruar për të kontribuuar me mbi 100 ushtarë të tjerë në Rumani, me qëllim forcimin e mëtejmë të krahut lindor të Aleancës së Atlantikut të Veriut.

“Mision prej 22 ushtarakësh dhe një anije ‘Iliria’ në misionin e NATO-s në detin Egje. Pjesëmarrje e rëndësishme, ne jemi aktivë në KFOR, prezenca më e madhe në Kosovë, jemi në Bullgari me një togë, jemi ofruar për të dërguar më shumë se 100 ushtarakë në Rumani për të forcuar krahun lindor të NATO-s. Bëhen rreth 8 misione ku marrim pjesë në mënyrë aktive”, u shpreh Peleshi në komunikim me mediat./ abcnews.al