Të paktën 109 persona e kanë humbur jetën në shpërthimin që ndodhi më 22 prill në një rafineri të paligjshme nafte në jug të Nigerisë, transmeton Anadolu Agency (AA).

Kreu i Operacioneve të Agjencisë Kombëtare të Menaxhimit të Emergjencave Nigeriane (NEMA), Ifeanyi Nnaji tha se punimet e kërkimit filluan pas fatkeqësisë së ndodhur në rafinerinë e paligjshme të naftës në zonën Abaezi në rajonet Rivers dhe İmo.

“Situata është më serioze nga sa parashikonim. Deri më tani kemi gjetur trupat e pajetë të 109 personave. Shumë trupa kanë rënë në lumë dhe ka të vdekur në rafineri”.

– “Fatkeqësi dhe një katastrofë kombëtare”

Në anën tjetër, sipas një deklarate me shkrim nga zëdhënësi i presidencës nigeriane, Garba Shehu thuhet se presidenti Muhammadu Buhari, ngjarjen e shënuar në ajon e ka cilësuar si “Fatkeqësi dhe një katastrofë kombëtare”.

Buhari ka uruar mëshirën e Allahut mbi personat që kanë humbur jetën në shpërthim, ngushëllim për popullin si dhe shërim të shpejtë për të plagosurit.

Duke bërë të ditur se përgjegjësia e humbjes së jetëve dhe pronës në shpërthim duhet të jetë drejtpërdrejt mbi sponsorët e rafinerisë ilegale, Buhari tha se “Të gjithë duhet të arrestohen dhe t’i dorëzohen drejtësisë”.

Më parë ishte njoftuar se sipas të dhënave paraprake 100 persona kishin humbur jetën në shpërthimin e ndodhur në orët e natës më 22 prill në rajonet Rivers dhe İmo në jug të Nigerisë.